"Ayaks" hujumchisi Jastin Klyuyvert Evropa ligasi finalida "Manchester Yunayted"ga qarshi kechadigan o'yin haqida fikr bildirdi.
"Umid qilamanki xuddi otam singari Evropadagi ilk finalimda gol ura olaman. U ham hujumda o'ynagan.
Undan mahorat va ruhiyat borasida ko'p narsa olganman. U hatto shu yoshda ham barcha narsaga erishgani holda futbol bilan yashaydi. U haqida film tomosha qildim va xuddi u kabi bo'lishga ahd qildim.
Dunyoning eng yaxshi futbolchisi bo'lishni istayman. Ko'p ishlab, birinchi imkoniyatdayoq mahoratingni namoyish etishing lozim", - deydi Jastin.
Eslatib o'tamiz, Patrik Klyuyvert "Ayaks" tarkibida 1994\95 yilgi mavsumda EChL finalida "Milan"ga qarshi maydonga tushgan va g'alaba to'pini kiritgan edi.
— deya xabar beradi uff.uz nashri.