Kuchli beshlik chempionatlarining 4 tasida mavsum yakunlanib bo'ldi.   Faqatgina Italiya "A" seriyasida 1 tur qoldi.   Biz bu mavsumning eng omadsiz 5 jamoasi haqida to'xtalib o'tishni joiz deb topdik.   5.   "Volfsburg" 16-o'rin 6 yil oldin Bundesliga chempioni bo'lgan "Volfsburg"ning bugungi ahvoliga havas qilib bo'lmaydi. "Bo'rilar" 18 jamoa orasidan 16-o'rinni egallashdi va Bundesligada qolish o'yinida ishtirok etadigan bo'lishdi.  Agar jamoa chempionatni tark etadigan bo'lsa bu Bundesliga uchun katta yo'qotish bo'ladi.   4.   "Lester" 12-o'rin
Aslini olganda "Lester"ning bu o'rinni egallashi yomon natija emas.  Biroq "tulkilar" o'tgan mavsumda butun dunyoda shov-shuv ko'tarib APL chempioni bo'lib qo'yishdi. Shunday ekan chempion jamoaning 12-o'rinni egallashini yaxshi natija deb bo'lmaydi.   Balki jamoa boshqaruv ruliga Shekspir kelmaganida klubning o'rni bundan ham past bo'lgan bo'larmidi.   3.   "Inter" 7-o'rin
Mourino ketganidan buyon o'ziga kela olmayotgan "Inter" mavsumni juda omadsiz boshladi. Biroq chempionat o'rtalarida ketma-ket mag'lubiyatsiz seriyalar orqali ancha yuqoriga ko'tarilib olgandi. Ammo mavsum oxirida "neradzzurrilar" qatorasiga sakkiz o'yinlik g'alabasiz seriyaadan so'ng evrokuboklardan tashqarida qolib ketishdi.  
2.  "Arsenal" 5-o'rin
Venger "to'rtinchi" degan "sharafli" nomdan qutuldi.  "Arsenal" mavsumni 5-o'rinda yakunladi va Arsen klubga kelganidan buyon ilk bora Chempionlar ligasi yo'llanmasidan quruq qoldi.  Boz ustiga klub oxirgi 38 yildagi eng yomon natijasini qayd etdi.  Balki Janob Arsenning "Arsenal"dan ketadigan payti kelgandir. Davomi Furqat Yusupov blogida.
— deya xabar beradi uff.uz nashri.