Futzal bo'yicha O'zbekiston U-20 terma jamoasi tarixda ilk marotaba o'tkazilayotgan Osiyo chempionatidagi ishtirokini tugatdi. Bugun, 24 may kuni musobaqaning yarim finalida Xose Mariya Mendez shogirdlari Iroq U-20 termasiga qarshi bahs olib bordi va 1:5 hisobida imkoniyatni boy berdi. Yarim finalning yana bir o'yinida Eron U-20 termasi Tailand yoshlarini qo'shimcha taymlarda 7:5 hisobida mag'lubiyatga uchratdi. Final bellashuvida Iroq U-20 va Eron U-20 terma jamoalari o'zaro kurash olib boradi. Mazkur ikki jamoa 2018 yili o'tkaziladigan yoshlar o'rtasidagi (U-18) Olimpiya o'yinlari futzal musobaqasiga yo'llanmani qo'lga kiritdi. U-20 Osiyo chempionati
Yarim final o'yinlari
24 may, chorshanba Tailand U-20 – Eron U-20 — 5:7 Iroq U-20 – O'zbekiston U-20 — 5:1 
— deya xabar beradi uff.uz nashri.