«Bavariya» yozgi transferlar mavsumi payti qaysi futbolchilarni xarid qilishini aniqlab oldi. Demak, myunxenliklar «Arsenal» etakchisi Aleksis Sanches va «PSJ» vakili Marko Verratti transferiga asosiy maqsad sifatida qarashmoqda. Nemislar ikki futbolchi uchun 120 million evro to'lashni rejalashtirishgan. Darvoqe, Verrattining agenti Donato di Kampi yaqinda mijoziga «Bavariya»dan taklif tushishi mumkinligini aytgandi. Yarim himoyachi Renatu Sanshesh esa Germaniya chempionatidagi g'alabaga qaramay, «Bavariya»dan ketsa kerak. Hozirda klub rahbariyati portugaliyalik iqtidorni boshqa jamoaga qo'yib yuborish bo'yicha takliflarni o'rganib chiqmoqda. Agar 19 yoshli futbolchiga chamasi 35 million evro to'laydigan jamoa topilsa, myunxenliklar transferni paysalga solmaydilar. «Bavariya» Sansheshni bir yil oldin «Benfika»dan aynan 35 «limon» evaziga xarid qilgandi. Portugaliyalik futbolchiga real xaridor ham bor - «MYu».
— deya xabar beradi uff.uz nashri.