O'zbekiston Birinchiligining 11-turida Uychining «Xotira-79» jamoasi o'z maydonida «Tsementchi»ni qabul qildi. Ancha asabiy kechgan uchrashuvda quvasoyliklar 1:0 hisobida zafar quchdi. 
Uchrashuv yakunlangach muxlislar o'yingohni tark etar chog'da oldilariga «Xotira-79» murabbiyi Mehmon Solixo'jaevni chaqirishdi. Murabbiy muxlislar oldiga kelib savollarga javob qaytardi.
Mehmon SOLIXUJAEV: «Uchrashuvda yigitlar imkoniyatlari boricha harakat qildi. Raqib jamoa bizdan kuchliligini isbotladi. Mag'lubiyatlarga uchrashimizga qaramay o'yingohga tashrif buyurayotgan sizlar kabi ishqibozlarga rahmat aytaman. To'g'risini aytganda, jamoamizda pul yo'q. Agarda pulimiz bo'lganda hozirgi futbolchilar jamoamizda to'p surishmasdi. Bundanda kuchlilarini safga chorlar edik. Mana, «Kosonsoy» jamoasi ham shu yo'sinda yo'q bo'lib ketdi. Nailoj, hozircha imkonimiz shu xolos».
— deya xabar beradi uff.uz nashri.