Shu yilning 12 iyun kuni Tehron shahrida Eron hamda O'zbekiston milliy terma jamoalari o'rtasida JCh-2018 saralash uchrashuvi bo'lib o'tadi. Undagi natija ko'p narsalarga oydinlik kiritadi.
Tabiiyki, ikki terma jamoa shtabida ishlar boshlab yuborilgan. Jumladan, kecha Samvel Babayan Taylandga qarshi o'rtoqlik va Eronga qarshi rasmiy o'yinlarda maydonga chiqadigan futbolchilarning tarkibini e'lon qildi. Ushbu ma'lumot forslarga ham etib borgan ko'rinadi.
Bugun biz Eron matbuotini kuzatdik. Ma'lum bo'lishicha, Tehronda chiqadigan nashrlar O'zbekistonning ushbu tarkibiga o'zining izohini bergan.
"Karlos Keyrush boshchiligidagi Eron milliy terma jamoasi 12 iyun kuni O'zbekiston termasi qabul qiladi. O'zbeklarga qarshi o'ynash hamisha qiyin bo'lib kelgan.
Lekin, vazifa va maqsad aniq: JCh-2018 chiptasini muddatidan avval qo'lga kiritish va tarkibda yoshlarni snovdan o'tkazish. Shunday ekan, O'zbekistonga qarshi o'yinda maksimal tarzda harakat qilishi kerak. Boz ustiga O'rta osiyoliklar asosiy futbolchilarisiz Tehronga tashrif buyurishadi.
O'zbekiston tarkibida Rossiya chempionatida to'p suradigan Vitaliy Denisov va ko'p yillik himoya qo'rg'oni egasi Islom To'xtaxo'jaevlar maydonga tushishmaydi. Bu bizga qo'l kelishi mumkin", - deyiladi fors matbuotida.
— deya xabar beradi uff.uz nashri.