“Arsenal”ning germaniyalik himoyachisi Per Mertezaker professional futbolchilik faoliyatini yakunlashga qaror qildi. Bu haqida Goal nashri xabar bermoqda. Perning ta'kidlashicha u jismonan va ruhan toliqqan, shuning uchun ham futbolchilik faoliyatiga nuqta qo'yishga qaror qilgan. Ayni damda Mertezaker 32 yoshda. Ushbu mavsumni futbolchi butunlay o'tkazib yubordi va “Chelsi”ga qarshi finalda maydonga qaytgandi.  Taniqli himoyachi “Arsenal”da 2011 yildan buyon to'p surmoqda. Shu bilan birga futbolchi “Verder” va “Gannover” jamoalarida ham faoliyat yuritgan. Germaniya terma jamoasi uchun himoyachi 104 ta uchrashuvda maydonga tushgan, va Bundestim tarkibida jahon chempioni bo'lgan. Per yaqin kunlarda “Arsenal”ning boshqaruv tizimida ish boshlashi kutilmoqda.
— deya xabar beradi uff.uz nashri.