Boks bo'yicha O'zbekiston terma jamoasi vakillarining xalqaro maydonlardagi yutuqlari bugungi kunda sport muxlislarini xushnud etib kelmoqda. O'z navbatida – millionlar o'yini – futbol bo'yicha O'zbekiston milliy terma jamoasi ham 2018 yili Rossiyada bo'ladigan jahon chempionatiga chiqish uchun kurashni davom ettirmoqda.
O'zbekiston boks fedeartsiyasi matbuot xizmatidan SPORTS.uz saytiga ma'lum qilishlaricha, futbol bo'yicha O'zbekiston milliy terma jamoasi tashabbusi bilan o'tkazilgan uchrashuvda etakchi bokschilarimiz – Murodjon Ahmadaliev, Isroil Madrimov, Bektemir Meliqo'ziev, Shahram G'iyosov, Elnur Abduraimov, Bahodir Jalolov qatnashdi.
Tadbirda bokschilarimiz futbol bilan birga Rio Olimpiadasi va Toshkentdagi Osiyo chempionati taassurotlari haqida o'rtoqlashdi. Uchrashuvda boks bo'yicha terma jamoa murabbiyi Rahmatjon Ro'zioxunov va futbol bo'yicha O'zbekiston milliy terma jamoasi bosh murabbiyi Samvel Babayan ham o'z fikrlarini bildirdi.
— deya xabar beradi uff.uz nashri.