Ingliz klublari va «Real» Madrid «Monako» hujumchisi Kilian Mbappeni qo'lga kiritish uchun o'zaro kurash olib bormoqdalar. Ushbu kurashda hozircha «Real»  favorit bo'lib turibdi. Madridliklar 18 yoshli hujumchi uchun 135 mln evro to'lashga tayyorlar. As nashrining xabariga ko'ra, hujumchini qo'lga kiritish uchun «Manchester Yunayted» 130 mln evro, «Manchester Siti» esa 120 mln evrodan voz kechishga tayyor. Shuningdek, «Arsenal» ham poygadan chiqib ketgani yo'q. Londonliklar ustozi Arsen Venger va klub direktori Ivan Gazidisni Nitstsa aeroportida ko'rishgan. Avvaroq, «Monako» Mbappeni «to'pchilar»ga 100 mln evroga sotishdan bosh tortgan edi. Daily Mail nashrining xabar qilishicha, hozirda «Arsenal» 126 mln evrolik yangi shartnoma tayyorlamoqda.
— deya xabar beradi uff.uz nashri.