Tailandga qarshi kechgan o'yin bizda bir qator savollar tug'dirdi. Garchi 2:0 hisobida g'alaba qozongan bo'lsak-da, o'yindan va Samvel Babayanning ayrim qarorlaridan ko'nglimiz to'lgani yo'q. Tailandga qarshi o'yin Eronga qarshi match oldidan tayyorgarlik vazifasini o'tab berishi kerak edi, demak, bu o'yinda murabbiy forslarga qarshi kimni tushirishi va qanday taktikani qo'llashini aniqlab olishi lozim edi, to'g'rimi? Xo'sh, unda deyarli hech narsani qoyillata olmaydigan Stanislav Andreevga nima bor asosiy tarkibda? Axir Babayan unu Eronga qarshi o'yinda asosiy tarkibda tushirmayapti-ku! Undan ko'ra birorta yosh va umidli himoyachilarni tushirsa bo'lmasmidi? Axir Stas deyarli zahirada o'tiradi, Tailanga qarshi o'yin zaxirada o'tiraverib zerikkanlar uchun tashkil qilinmagan-ku! Ikkinchi savol nega aynan shu o'yinda Babayan boshqa darvozabonlarga imkon bermadi. Ehtimol, shunda zaxirada Lobanovdan ham kuchliroq darvozabonlar borligini anglab etarmidi? Vaholanki, Lobanov Tailandning qanotdan uyushtirgan hujumlaridan birida xatoga yo'l qo'ydi — to'pga tashlandi-yu, eta olmadi. Xayriyatki o'sha vaziyatda raqiblar vaziyatlardan unumli foydalanishmadi. Uchinchi savol, qani terma jamoaning o'yinidagi o'zgarish? Hamma narsa o'sha-o'sha-ku! Keskin hujumlar yo'q, kutilmagan zarbalar yo'q (Sardor Rashidovning oxirgi daqiqalardagi golini inobatga olmaganda), noodatiy qarorlar yo'q. Nega markazdan shiddat bilan yorib kirilmayapti? Nega Tailanddek jamoaning darvozasiga tinimsiz hujumlar yomg'iri yog'dirilmayapti? Qani terma jamoamizning avvalgi shiddati? Nahotki buni qaytarish shunchalik qiyin bo'lsa. Eronga qarshi o'yinda bunday harakat qilib bo'lmaydi. Eron avvalgidan kuchaygan, biz esa hamon o'sha botqoqdamiz. Eron Chernogoriya kabi Evropa termalari bilan o'ynayapti, biz esa o'lganimizning kunidan Tailandga qarshi o'ynayapmiz. Tag'in bu o'yinda ham kerakli maqsadga erisha olganimiz yo'q. Chunki hech qanday yangilik ko'rmadik, yangi iqtidor kashf etilganining ham guvohi bo'lganimiz yo'q. Hamon o'sha qozonda o'sha sho'rva qaynayapti.
Bugun Tailand bilan o'ynadik, ertaga esa Eron bilan o'ynaymiz. Eronliklar Lobanovning xatosini kechirishmaydi, eronliklar Temurxo'ja Abduxoliqovga imkon yaratib berishmaydi, eronliklar Sardor Rashidovning bemalol zarba berishiga yo'l qo'yishmaydi. Demak Davomi
— deya xabar beradi uff.uz nashri.