Plyaj futboli bo'yicha mamlakat terma jamoalarining yangilangan reytingi e'lon qilindi. Unga ko'ra, O'zbekiston terma jamoasi 169 ochko bilan jahon reytingida 60-pog'onaga ko'tarildi. O'zbekiston termasi avvalgi ko'rsatkichga nisbatan 2 pog'ona yuqoriladi. Osiyo mintaqasi terma jamoalari orasida milliy terma jamoa 12-o'rindan 11-pog'onaga chiqib oldi. OFKga a'zo mamlakatlar reytingida  Eron termasi 3209 ochko bilan etakchilik qilayotgan bo'lsa, Yaponiya (1764) va BAA (1425) kuchli uchlikka kirdi. OFKga a'zo mamlakatlar reytingining dastlabki 15 pog'onasi quyidagicha ko'rinish olgan: 1 (3). Eron – 3209 ochko 2 (9). Yaponiya – 1764 ochko 3 (10). BAA – 1425 ochko 4 (16). Ummon – 1086 ochko 5 (23). Livan – 736 ochko 6 (35). Tailand – 458 ochko 7 (41). Xitoy – 375 ochko 8 (45). Bahrayn – 311 ochko 9 (46). Vetnam – 296 ochko 10 (52). Afg'oniston – 235 ochko 11 (60). O'zbekiston – 169 ochko 12 (61). Qatar – 160 ochko 13 (70). Malayziya – 102 ochko 14 (78). Iroq – 86 ochko 15 (83). Laos – 76 ochko Izoh: Qavs ichida terma jamoalarning dunyo reytingidagi o'rni ko'rsatilgan Plyaj futboli bo'yicha jahon reytingi peshqadami o'zgardi.Anchadan buyon birinchi o'rinda borayotgan Portugaliya o'z o'rnini 4658 ochkoga ega bo'lgan Braziliyaga bo'shatib berdi.  Portugaliya 3855 ochko bilan ikkinchi o'rinda borayotgan bo'lsa, Osiyo peshqadami Eron dunyo reytingida kuchli uchlikka kirdi va Rossiyani (3204) to'rtinchi o'ringa pastlashiga sababchi bo'ldi. Ma'lumot uchun, mazkur reytingni tuzishda terma jamoalarning 2013 yil iyun oyidan 2017 yil may oyiga qadar qayd etgan natijalari hisobga olingan.
— deya xabar beradi uff.uz nashri.