Engilmas professional bokschi Shohjahon Ergashev 10 iyun kuni  Rossiyadagi Floyd Meyvezer akademiyasida faoliyatidagi 10-jangini o'tkazadi.
Ushbu jangga tayyorlanish jarayonida Shohjahon chap qo'lidan jarohat olgan edi.
- Sparring uchrashuvida raqibga kuchli zarba berdim va qo'limda qattiq og'riq turdi, - dedi Shohjaxon SPORTS.uz axborot portaliga. – Bunga e'tibor bermay, jangni davom ettirdim. Sparringdan so'ng qo'lim shishib ketganini ko'rdim. Shifokorlar ko'rigida eski jarohatim qaytalanib, qo'lim singgani aniqlandi. Biri necha kun gipsda yurdim. Shundan bo'lsa-da, oldimizdagi jangga tayyorman.
Shohjahonning jarohatini inobatga olgan menejerlar unga raqib sifatida tojikistonlik Sunnatullo Rahmatulloevni tanlashdi. Bu reyting jangi olti raunddan iborat bo'ladi.
— deya xabar beradi uff.uz nashri.