Saudiya Arabistoni futbol Federatsiyasi JCh-2018 saralashi doirasida Avstraliyaga qarshi kechgan o'yindagi voqea yuzasidan rasman kechirim so'radi. «Futbolchilar Londondagi teraktda qurbon bo'lganlar xotirasiga hurmatsizlik qilish yoki ularning oila a'zolariga hamdardlik bildirmaslik fikridan butkul yiroqlar. Bizning Federatsiya terrorizm va diniy ekstremizmning barcha sohalarini qoralaydi va qurbon bo'lganlarning oila a'zolariga hamda, Buyuk Britaniya xalqiga chuqur hamdardligini bildiradi», – deyiladi rasmiy bayonotda. Eslatib o'tamiz, Saudiya Arabistoni Avstraliyaga qarshi bahsdan oldin Londondagi terakt qurbonlari xotirasiga bir daqiqalik sukut saqlash marosimidan bosh tortgan edi. Ular ushbu marosim mamlakat madaniyatiga to'g'ri kelmasligini aytganlar.
— deya xabar beradi uff.uz nashri.