Samvel Babayan O'zbekiston milliy terma jamoasiga bosh murabbiy bo'lganidan buyon qatorasiga beshinchi o'yinda ham g'alaba nashidasini surdi. Biz terma jamoamiz tarixidagi murabbiylarning ilk 5 o'yindagi natijalarini reyting tarzida e'tiboringizga xavola etamiz.
13. Bahodir Ibragimov
Natijasi: 1 g'alaba, 4 mag'lubiyat. To'plar nisbati 7:11
Bahodir Ibragimov terma jamoamiz boshqaruv rulini 1996-yilda o'z qo'liga oldi. Uning debyuti omadsiz chiqdi. Termamiz Osiyo kubogi saralash uchrashuvida Tojikostondan 4:0 hisobida mag'lub bo'ldi. Biroq javob bahsida Ibragimov shogirdlari 5:0 hisobida zafar quchib Osiyo kubogiga yo'llanmani qo'lga kiritishdi. Termamiz Ibragimov murabbiyligidagi keyingi 3 ta o'yinda Yaponiya va 2 marta BAAga qarshi o'rtoqlik o'yinlari o'tkazib imkoniyatni boy bergan. Xullas Bahodir Ibragimov terma jamoamiz murabbiylari orasida dastlabki 5 o'yinda eng yomon natijani qayd etgan.
12. Yuriy Sarkisyan
Natijasi: 1 g'alaba, 1 durang, 3 mag'lubiyat. To'plar nisbati 7:15
Sarkisyan 2000-yilda O'zbekiston terma jamoasiga murabbiy etib tayinlandi. Uning qo'l ostida hamyurtlarimiz xalqaro musobaqada Iroq va Taylanda yutqazishdi. Keyinchalik o'rtoqlik o'yinida Turkmaniston yirik hisobida taslim etildi. Osiyo kubogida esa Sarkisyan shogirdlari Qatar bilan durang o'ynab, Yaponiyaga 1:8 hisobida yutqazishdi. Ushbu mag'lubiyat O'zbekiston termasi tarixidagi eng yirigi hisoblanadi.
11. Vadim Abramov
Natijasi: 1 g'alaba, 1 durang, 3 mag'lubiyat. To'plar nisbati 8:13
Vadim Abramov murabbiyligidagi dastlabki 5 ta o'yin ham o'rtoqlik maqomiga ega bo'ldi. Termamizga 2010-yilda murabbiy etib ta'yinlangan Abramov Armaniston, Albaniya kabi Evropa termalariga yutqazgan, Estoniya bilan durang o'ynagan, Saudiya Arabistonidan qaqshatqich mag'lubiyatni qabul qilgan va nihoyat beshinchisida noqulay raqibimiz bo'lgan Bahrayn ustidan ishonchli g'alabani qo'lga kiritgan.
10. Ravshan Haydarov
Natijasi: 1 g'alaba, 1 durang, 3 mag'lubiyat. To'plar nisbati 7:10
Ravshan Haydarov terma jamoamizda 2002-2004 va 2005-yillarda murabbiy bo'lib ishladi. E'tiborli jihati uning qo'l ostida termamiz dastlabki 5 ta o'yinni ham Evropa terma jamoalariga qarshi o'tkazgan. Safarda Slovakiya va Ozarbayjonga imkoniyat boy berilgan bo'lsa, Toshkentda Belarus bilan bir durang va bir mag'lubiyat qayd etildi. Nihoyat Haydarov ham 5-o'yinida g'alabaga erishdi. Vakillarimiz Rigada Latviyani yirik hisobda taslim etishdi 3:0.
Davomi Furqat Yusupov blogida.
— deya xabar beradi uff.uz nashri.