“Yuventus” klubi futbolchilari Mario Manjukich va Shtefan Lixtshtayner “Milan”ga qarshi Italiya A Seriyasining 13-tur o'yinida ishtirok etishga tayyorlar. Turin klubi ikki o'yinchi ham jarohatlaridan forig' bo'lib, umumiy guruhda shug'ullanishganligini tasdiqladi. Avvalroq, Janlujji Buffon ham jarohatdan tuzalib, “Milan”ga qarshi o'ynay olishi ma'lum bo'lgandi. Ayni damda “Yuventus“ 12-turdan so'ng 18 ochko bilan Italiya chempionati musobaqa jadvalida ettinchi o'rinni egallab turibdi.
— deya xabar beradi uff.uz nashri.