"Barselona" bosh murabbiyi Luis Enrike jamoa hujumchisi Lionel Messi Ispaniya chempionati 12 turida "Real"ga qarshi kechadigan uchrashuvda maydonga tushishi mumkinligi, ammo hali 100 foiz tayyor bo'lib ulgurmaganini aytib o'tdi.
"Messi o'zini yaxshi his qilmoqda. Uning tiklanishi tez va muvaffaqiyatli kechdi. Ammo bu o'yinga 100 foiz tayyor bo'lmasligi aniq.
Ammo u maydonga tusha oladi. Biz uni asosiy tarkibga qo'yish yoki qo'ymaslik masalasini o'yin oldidan hal qilamiz. Xuddi shunday holat Ivan Rakitich bilan ham mavjud.
"Real"ga qarshi kechadigan o'yin juda muhim, ammo unda chempionlik masalasi hal bo'lmaydi", - deydi murabbiy.
— deya xabar beradi uff.uz nashri.