«Navbahor» va «Lokomotiv» jamoalari o'rtasidagi uchrashuv yakunlangach o'tkazilgan matbuot anjumanida har ikki jamoa bosh murabbiylari OAV vakillarining savollariga javob qaytarishdi.
Andrey Miklyaev («Lokomotiv» jamoasi bosh murabbiyi): - Uchrashuv guvohi bo'lganlaringizdek, biroz asabiy tarzda o'tdi. Ya'ni his hayajon o'z ta'sirini o'tkazdi. Yaxshiyamki, o'yin oxirlarida omadimiz chopib, g'alabani qo'lga kiritdik. Umuman olganda bahs davomida ustunlikka erishdik. Bugun tarkib borasida ayrim muammolarga duch kelgandik. Ikki nafar asosiy himoyachilarimiz Yanichich va Mustafoevlar jarohat tufayli maydonga tusha olishmasdi. Shu sababli ayrim o'zgarishlarni amalga oshirishga majbur bo'ldik. Uchrashuvda odatiy uslubimiz, ya'ni hujumkor o'yin ko'rsatish borasida ayrim qiyinchiliklarga duch keldik. Maydonning holati bunga sabab bo'ldi. Bunday sharoitda himoyalanishdan ko'ra hujumlar tashkil etish oson bo'lmaydi. Gol urish uchun imkoniyatlar bo'lsada, xatolarga yo'l qo'ydik. Buning oqibatida, o'z darvozamizdan ikkita to'p olib chiqishga majbur bo'ldik. Shundan so'ng gol urishimiz oson bo'lmadi. Yigitlarga oxirigacha kurashganliklari uchun rahmat aytib o'tgan bo'lardim. Natijada omad bizga kulib boqdi.
— deya xabar beradi uff.uz nashri.