Xalqaro og'ir atletika federatsiyasi (IWF) ijroiy qo'mitasi Bolgariya terma jamoasini 2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlaridan chetlatish haqida qaror qabul qildi.
Bunga sabab bolgariyalik og'ir atletikachilarni tez-tez dopingga qarshi kurash qoidalarini buzganligi bo'ldi. Jumladan, joriy yilning mart oyida Bolgariya terma jamoasining 8 nafar erkak va 3 nafar ayol sportchisida taqiqlangan dori vositalaridan foydalanganligi aniqlangan.
Bundan tashqari IWF Ruminiya terma jamoasidan bitta Olimpiya yo'llanmani olib tashladi. Buning boisi ushbu yurt vakillaridan saralash musobaqalarida bir necha bor taqiqlangan dori vositalarini iste'mol qilinganligi aniqlangan.
Tojikiston, Gonduras, Gvatemala, Panama va Serra-Leon terma jamoalari qanday sababga ko'ra Olimpiadadan chetlatilishi haqida ushbu havoladan ma'lumot olishingiz mumkin.
— deya xabar beradi uff.uz nashri.