"Barselona" himoyachisi Dani Alves Madridning "Real" klubiga qarshi kechgan uchrashuvdagi g'alabadan so'ng (4:0) raqib hujumchisi Krishtianu Ronaldu haqida fikrlarini bildirib o'tdi.
"U hamon Krishtianu bo'lib turibdi. U top saviyadagi futbolchi. Balki mana shu uning muammosidir.
Nima uchun bunday deyapman? Ronaldu asosiy qahramon bo'lishni yoqtiradi. G'alabalar qozonilayotganda hamma u haqida gapiradi.
Ammo bu ishni yoqtirar bo'lsang, mag'lubiyatga uchraganda o'qqa ko'ksingni qalqon qilishni ham bilishing kerak. Agar jamoa biror ishni noto'g'ri bajarsa, mag'lubiyatga uchrasa, asosiy aybni zimmangga olish shart bo'ladi.
"Barselona"ning o'z tashvishlari Krishtianusiz ham o'ziga etadi. To'g'risini aytsam, Ronaldu nima qilayotganini umuman o'ylamayman", - deydi Alves.

— deya xabar beradi uff.uz nashri.