Madridning “Real” klubi hujumkor yarim himoyachisi Isko mavsum oxirida “Santyago Bernabeu”ni tark etishi mumkin. Bu haqida Marca nashri xabar tarqatdi.
23 yoshli xavbek “Barselona”ga (0:4) qarshi bahsda Rafael Benitesning uni asosiy tarkibda maydonga tushirmaslik qaroridan juda hafa bo'lgan.
Ta'kidlanishicha, Benites endigina jarohatidan tuzalgan va bos ustiga Kolumbiya terma jamoasi safida saralash musobaqasi o'yinlarida ishtirok etgan Xames Rodrigesni ilk daqiqalardan maydonga tushirishni afzal ko'rgan.
Ispaniyalik futbolchi “Real” tarkibida uchinchi mavsumini o'tkazayotganiga qaramay hamon asosiy tarkib futbolchisi emasligidan norozi.
Ma'lumotga ko'ra, joriy mavsum yakunlangach Isko boshqa klublardan kelib tushadigan moliyaviy va sport jihatdan anchagina foydali takliflarni ko'rib chiqmoqchi.
— deya xabar beradi uff.uz nashri.