Jahon futbolida jamoasining himoyadagi ishonchli vakili bo'lgan o'yinchilar bir talay. Aynan mana shu himoyachilarning tarkibda bo'lishi muxlislarning g'alabaga bo'lgan ishonchi ortishiga turtki bo'ladi. Chindan ham orqa chiziqdagi ishonchli o'yin g'alabaning bir bo'lagidir. Mashhur murabbiylardan biri gol o'tkazib yubormasak, mag'lubiyatga uchramaymiz deb aytgani ham bejiz emas. Yakuniga etgan mavsum davomida “Qo'qon-1912” jamoasining himoyasi mustahkam bo'lishida katta hissa qo'shgan Jalil Kimsanov ham mana shunday himoyachilardan biridir. Kimsanov o'zi maydonga tushgan uchrashuvlarda himoyada bexato o'ynashga intiladi, raqib hujumlarini qaytarishda jonbozlik ko'rsatadi. To'g'ri unga barcha o'yinlarada maydonga tushish nasib etmadi. Bunga albatta, diskvalifikatsiyalar sabab bo'ldi. Lekin uning maydonda bo'lishi muxlislarning ko'ngliga ham taskin beradi. Aniqrog'i, ishqibozlarning himoyadan ko'ngillari to'q bo'ladi. Bir so'z bilan aytgan u himoyamizdagi ishongan “tog'imiz”dir. Kimsanov mavsum-2015 da raqib darvozasiga bitta to'p kiritishga ham muvaffaq bo'ldi. U Qo'qonda bo'lib o'tgan “Nasaf”ga qarshi o'yinda mehmonlar posbonini dog'da qoldirdi. Bundan tashqari uning hisobida 8 sariq va 1 qizil kartochka bor.
— deya xabar beradi uff.uz nashri.