Madridning "Real" klubi Ispaniya Kubogi 1/16 finalida "Kadis"ga qarshi kechadigan javob o'yini uchun chipta sotishni to'xtatgani yo'q.
Eslatib o'tamiz, Denis Cherishev ushbu uchrashuvda maydonga tushgani uchun "Real" klubi juma kuni Ispaniya Kubogidan chetlatilgan edi. Ammo madridliklar bu qarordan norozi va Ispaniya Qirolligi futbol federatsiyasi apellyatsiya qo'mitasiga shikoyat bilan murojaat qilgan. Ushbu murojaat payshanba kuni ko'rib chiqilishi kutilmoqda. Kelasi jumada esa Ispaniya sport ishlari intizom qo'mitasida bu borada yana surishtiruv o'tkaziladi.
Madridliklar rahbariyati "Kadis"ga qarshi kechadigan o'yin o'tkazilmay qolgan taqdirda chiptalar puli qaytarib berilishini ta'kidlashgan.
— deya xabar beradi uff.uz nashri.