Samvel Babayan boshchiligidagi O'zbekiston olimpiya terma jamoasi Dubaydagi yig'in doirasida Birlashgan Arab Amirliklarining “Ajman” klubiga qarshi o'rtoqlik uchrashuvida maydonga tushdi.
BAA Pro-ligasi vakiliga qarshi kechgan ushbu nazorat uchrashuvi O'zbekiston olimpiya terma jamoasining ishonchli g'alabasi bilan yakunlandi. O'yinning har ikki taymida O'zbekiston olimpiyachilari murabbiylar shtabi ikki xil tarkibni maydonda sinab ko'rdi. Birichni bo'limda harakat qilganlardan Jamshid Iskanderov, Doston Hamdamov hamda Eldor Shomurodov o'z hisobiga gol yozib qo'yishni uddaladi va taym 3:0 hisobida o'zbekistonliklar foydasiga yakun topdi.
Ikkinchi bo'limda ham O'zbekiston olimpiya terma jamoasi yana bir golni nishonlashga erishdi. O'yindagi so'nggi golni Javohir Rasulov 11 metrlik jarima zarbasini aniq amalalga oshirgan holda kiritdi – 4:0.
Nazorat uchrashuvi
06.12.2015. Dubay
O'zbekiston o.t.j – “Ajman” (BAA) 4:0
Gollar: J. Iskaderov, D. Hamdamov, E. Shomurodov, J. Rasulov
O'zbekiston olimpiya terma jamoasining tarkibi:
Birinchi bo'lim: Abdumavlon Abdujalilov, Maksimilian Fomin, Javlon Mirabdullaev, Sardor Rahmonov, Vladimir Kozak, Otabek Shukurov, Javohir Sohibov, Doston Hamdamov, Eldor Shomurodov, Jamshid Iskanderov, Igor Sergeev
Ikkinchi bo'lim: Asilbek Omonov, Muhsin Ubaydullaev, Doston Tursunov, Rustam Ashurmatov, Diyor Turopov, Javohir Rasulov, Abdulloh Olimov, Abbos Maxstaliev, Timur Hakimov, Jasur Hakimov, Shoxnazar Norbekov
— deya xabar beradi uff.uz nashri.