Donetskning “Shaxter” klubi hujumchisi Eduardo “PSJ”dan (0:2) Chempionlar ligasi guruh bosqichining so'nggi tur uchrashuvida qabul qilib olingan mag'lubiyatdan so'ng o'z fiklarini bildirdi. “Biz uchun juda qiziq va muhim o'yin. Biz to'pni nazorat ostida ushlashga harakat qildik va gol kiritish uchun vaziyatlar yaratdik, ammo, afsus, ulardan unumli foydalana olmadik. Shuni aniq ayta olamanki, Ukrainada “Shaxter” – “PSJ” darajasidagi klub. Bizning chempionatda raqiblar “Shaxter”ga qarshi o'yinga o'zgacha tayyorgarlik ko'rishadi va nimalarga qodir ekanliklarini ko'rsatishga harakat qilishadi. Endi “Shaxter”ni Evropa ligasi kutmoqda va u erda “Borussiya D”, “Sevilya”, “Liverpul” kabi o'ta yuqori saviyali futbol namoyish etadigan jamoalar bor. Biz bu yilgi Chempionlar ligasida bebaho tajriba orttirdik. Shuning uchun xatolarni yo'qqa chiqarib, 2009 yilgi muvaffaqiyatni takrorlashga harakat qilamiz”, – dedi Eduardo.
— deya xabar beradi uff.uz nashri.