“Chelsi” klubi hujumchisi Diego Kosta kelajakda Madridning “Atletiko” jamoasiga qaytgan himoyachi Filipe Luisning taqdirini takrorlashi mumkinligini oshkor qildi.
Ikki futbolchi ham 2014 yili Joze Mourino jamoasiga kelib qo'shilgandi, biroq, Luis Londonda bir mavsum o'ynab, o'tgan yozda Ispaniya poytaxtiga qaytdi.
Diego Kosta Onda Cero radiosiga bergan intervyusida bu borada shunday dedi: - Kelajakda nima bo'lishini bilmayman. Mana Filipe Luis bir misol. Hayot kutilmagan hodisalarga boy.
Men doim “Atletiko”ni qo'llab kelganman va ularning har bir o'yinini kuzatishga harakat qilaman.
Yaxshiyamki 1/8 final bosiqichida “Atletiko” bilan to'qnash kelmaymiz. Ularga qarshi o'ynash doim noqulay. Agar menda tanlash huquqi bo'lganida, ular bilan finalda bellashishni tanlagan bo'lardim.
— deya xabar beradi uff.uz nashri.