Gonduras terma jamoasi va "Olimpiya" klubi hujumchisi Arnold Peralta payshanba kuni o'ldirib ketildi. Qotillik La-Seybe shahridagi savdo markazlaridan birining avtomobillar to'xtash joyida sodir etilgan. Bu shaharda noqonuniy narkotik savdosi bilan shug'ullanadiganlar ko'pligi aytilmoqda.
Xabar qilinishicha, noma'lum jinoyatchilar 26 yoshli futbolchi avtouloviga o'tirayotgan vaqtda unga o'qotar quroldan o'q uzishgan. Politsiya jinoyatchilarni qidirmoqda. E'tiborli tomoni, Peraltining shaxsiy buyumlariga teginilmagan, ular avtomobildan topilgan.
Eslatib o'tamiz, Peralta o'z vaqtida Shotlandiyaning "Reynjers" klubi sharafini himoya qilgan edi.
— deya xabar beradi uff.uz nashri.