Oliy liga-2015. “Spektakl"lar tugadi. Eng yaxshilarni aniqlaydigan payt etib keldi. Biz o'z an'namizga sodiq qolgan holda mavsumning eng yaxshilarini aniqlab, ularga o'ziga xos “Oskar” haykalchalarini topshiramiz. Buyog'iga ozgina “ijod” qilamiz, rozi bo'lasizlar!
 
“Eng yaxshi stsenariy”
“Paxtakor” – “Metallurg” (3:2) “filmi”ning stsenariyci shu qadar zo'r chiqdiki, uni xohlagan rejissyor film qilib, mavsum oxirida katta boylik egasiga aylanishi mumkin edi. Hattoki, o'sha Jeyms Kemeron ham bu stsenariyga tan bersa, hayron qolmasdik aslo.
Aktyorlar ham o'z ishlarini qoyilmaqom bajardilar. Bu o'yin Gollivud filmlari singari oxiriga kelib avj oldi. Esingizda bor-a, uchrashuv tugashiga 10 daqiqa qolganida mehmonlar 2:0 hisobida oldinda edilar?! Biroq, qolgan daqiqalarda voqealar rivoji butunlay o'zgarib ketdi va hammasi mezbonlar uchun xuddi hind kinolari singari omadli yakunlandi. Tomoshabinlar ham bu filmning oxiri “yaxshilik” bilan tugashini bilib, xotirjam kuzatardilar. “O'zbekfilm” xijolat...
“Eng yaxshi serial”
“Babayan taym!” deb nomladik bu serialni. Mavsum davomida “Paxtakor” jamoasi bir nechta uchrashuvlarning so'nggi daqiqalarida g'alabani ilib ketdi. Shundan so'ng, muxlislaru jurnalistlar orasida “Babayan taym” tushunchasi paydo bo'ldi. Umuman olganda, Babayan “sherlar”ni tark etganidan so'ng ham, jamoaning bu “irodasi” saqlanib qoldi. Bir necha o'yinlarda oxirgi daqiqalar aynan paxtakorchilarga ataldi. Nimayam derdik, ko'z tegmasin, deymiz va bunaqa “so'nggi taymlar” Osiyo kuboklarida ham davom etishiga tilakdoshmiz. Aks holda, shubhalanib qolamiz-aJ
“Eng yaxshi rassom”
Mazkur nominatsiya g'olibligi PFL taqvimining tuzuvchilariga nasib etdi. Ushbu mavsumda taqvim shu qadar a'lo darajada bo'yaldiki, Pikasso bu "san'at asari"ni ko'rib, rassom bo'lib tug'ilganiga pushaymon bo'lib ketardi. Bitta taklif-de bu ham – haliyam bu “shohasar”ni “Luvr” muzeyiga topshirish kerak, kech bo'lmasidan...
Davomi Furqat Yusupov blogida.
— deya xabar beradi uff.uz nashri.