Kelasi yilning 9 fevral sanasida bo'lib o'tishi kerak bo'lgan O'zbekiston hamda Moldova terma jamoalari o'rtasidagi uchrashuv bekor qilindi. O'yin Turkiyaning Antalya shahrida bo'lishi kerak edi. Buni FIFA ham tasdiqlagandi.
"O'zbekiston bilan muzokaaralar olib borayotgan paytimizda bizga Ruminiya termasidan taklif kelib tushdi. Ular 4 yoki 5 fevral kuni o'yin o'tkazishimizni so'rashdi. Ammo, Turkiyada so'nggi paytlarda ro'y berayotgan voqealardan so'ng O'zbekiston ham Ruminiya ham mazkur yig'inni Turkiyada olib borishni istamadi.
O'zbeklar o'yinni BAA davlatiga ko'chirishni so'rashdi va Ruminiyaning javobini kutishdi. Ruminlar bo'lsa, Ispaniyada o'ynashni yoki umuman o'ynamaslikni istashdi. Natijada biz O'zbekiston bilan o'ynash variantiga rad javob berib, ruminlarning taklifini qabul qildik", - deydi Moldova futbol federatsiyasi vitse-prezidenti Ion Testemitsanu.
— deya xabar beradi uff.uz nashri.