Xabaringiz bor, O'zbekiston milliy terma jamoasi a'zosi Server Jeparov Janubiy Koreyaning “Ulsan Xyunday” klubida faoliyat olib borayotgan edi. Ammo koreys klubi shartnomasi yakuniga etib borayotgan hamyurtimiz bilan hamkorlikni davom ettirishni istamadi va Jeparov “Ulsan”ni tark etdi.
Olingan so'nggi ma'lumotlarga qaraganda, 33 yoshli tajribali yarim himoyachi xizmatlariga Avstraliyaning “Sidney FK” klubi jiddiy qiziqish bildirmoqda. Ortda qolgan mavsumda Avstraliya A Ligasida ikkinchi pog'onani egallagan mazkur klub kelasi yili Osiyo Chempionlar ligasida ishtirok etadi. Shu sababli “Sidney FK” Osiyo maydonlarida tajriba to'plagan futbolchi qidirmoqda va Jeparov bu borada asosiy nomzod bo'lib turibdi. Agar tomonlar kelisha olishsa, Server Jeparov Avstraliya A Ligasida to'p surgan ilk o'zbek futbolchisiga aylanadi.
Eslatib o'tamiz, bu jamoa safida o'z vaqtida italiyalik afsonaviy hujumchi Del Pero to'p surgan edi.
— deya xabar beradi uff.uz nashri.