Joriy mavsumdagi barcha 240ta bahsning 18tasida mingdan kam tomoshabin tashrif buyurgan. «Bunyodkor» - «Metallurg» bahsi (1:0) da stadionga 424 nafar muxlis kelganini izohlashga ham lolmiz, ochig'i. 1000dan kam tomoshabin kuzatgan o'yinlarning 6tasi «Lokomotiv» (asosan 2-davra bahslari), 5tasi «Metallurg», 4tasi «Bunyodkor» klublari hissasiga to'g'ri keladi. Demak, muxlislarni aldab bo'lmaydi. Bundan shunday xulosa tug'iladiki, poytaxt jamoalari ishtirokidagi o'yinlar tomoshabinlar uchun qiziqarli emas. Terma jamoa uchrashuvlariga esa muxlislarning oqib kirishini vatanparvarlikka yo'yish mumkin.
Umuman olganda, chempionat bahslariga 1 260 222 nafar tomoshabin tashrif buyurgan. Bu bir o'yinga o'rtacha 5251nafardan tomoshabin to'g'ri keladi, degani. Chempionatimizda ishqibozlar sonining mln.dan ortishi 24-turga kelibgina ro'y berdi. 10 ming nafardan ortiq tomoshabin yig'ilgan 26ta bahsning 9tasi «Buxoro» arenasida o'tkazilgan. 16ta klubning 8tasi uy o'yinlarida 10 ming nafar muxlis ham yig'a olmagan.
Chempionatning markaziy bahslaridan biri hisoblanmish «Lokomotiv» - «Paxtakor» o'yinida stadionga atigi 2631 nafar tomoshabin yig'ilgan. Nima deb izoh berishga ham hayronsan kishi?! Shumi, chempionlik yo'lidagi bahsning o'rni?
«So'g'diyona»ning Zomindagi maydondan Jizzaxdagi yangi arenaga qaytishi, ya'ni 26 iyun sanasida haqiqiy anshlag kuzatildi - 11653 tomoshabin. Ishonib qolamizki, jizzaxlik fidoyi muxlislar bundan keyin ham stadionga kelish bo'yicha mamlakatimizning eng oldi jamoalaridan bo'lib qolishadi.
Tomoshabinlarning stadionga tashrifi bo'yicha poytaxt klublari vakillari ishtirokidagi o'yinlar so'nggi beshlikda ekanligiga hech qanday izoh topa olmadik. Tez orada poytaxt klublari safiga «Obod»ning qo'shilishini inobatga olsak, tomoshabinlar soni borasidagi antirekord kimga tegishi u qadar muammo bo'lib qolmaydi. Quyida chempionatda eng ko'p va eng kam tomoshabinlar yig'ilgan bahslar ro'yxati bilan tanishtirsak:
Turlar bo'yicha tahlil
Atigi 8ta jamoa o'yinida eng ko'p tomoshabinlar tashrifi kuzatildi. Bular - «Buxoro» (9), «Neftchi» (5), «So'g'diyona» (4), «Andijon» (4), «Qizilqum» (3), «Navbahor» (2), «Dinamo» (2), «Qo'qon-1912» (1) mezbonlik qilgan stadionlardir.
«Buxoro» arenasi, 20-turdan buyog'iga tomoshabin yig'ish bo'yicha etakchilikni qo'lga oldi. Eng kam tomoshabin 12-turda (31782) qayd etilgan bo'lsa, eng ko'p muxlis 1-turda (56721) tashrif buyurgan. Vaholanki, o'tgan yili 1-turda 58028 tomoshabin o'yinlarni bevosita stadiondan kuzatgan.
Uydagi bahslarda eng ko'p tomoshabin yiqqan jamoa «Buxoro» hisoblanadi - 154714 nafar. Bu har bir bahsga o'rtacha 10314 nafardan tomoshabin kelganini anglatadi. Undan keyingi o'rinlarda «Qizilqum» (132502) va «Neftchi» (112356) bormoqda.
Xulosa o'rnida
Tomoshabinlar statistikasini tayyorlash bir qaraganda juda oson. Aslida, raqamlarni tahlil qilib, qaysidir klubga sarflanayotgan pullar qay darajada o'zini oqlayotganligini yaqqol ko'rish mumkin. E'tibor bering, keyingi yili Toshkent shahri va Toshkent viloyatidan jami 6ta jamoa oliy ligada ishtirok etadi. Elita havosi kirib bormagan ma'muriy hududlarimiz - Qoraqalpog'iston Respublikasi, Xorazm, Surxondaryo, Sirdaryo viloyatlari jamoalari oliy ligada ishtirok etganda hozir tomoshabinlar borasida achinib yozmagan bo'larmidik? Kelasi mavsum bu viloyatlar yoniga Samarqand ham qo'shiladi.
Davomi InterFUTBOL gazetasi blogida.
— deya xabar beradi uff.uz nashri.