Ispaniya chempionatining 16-turidan o'rin olga "Real" Madrid hamda "Rayo Valekano" klublari o'rtasidagi uchrashuv nihoyasiga etdi. Unda 10:2 hisobi qayd etilib, madridliklarning g'alabasi bilan yakunlandi. Hammasi mehmonlar tarkibidagi Amayya va Xosabedlarning ikkita gollaridan keyin boshlandi. Sababi, 12-daqiqaga kelib, "Rayo Valekano" 1:2 hisobida oldinga o'tib olgandi. Ungacha Danilo "Real"ning birinchi golini urgandi. Keyin esa, Tito va Baenalar maydondan chetlatilishdi. Mehmonlar 9ta bo'lib o'yinni o'tkazishga majbur bo'lishdi. Kamchilik bo'lib qolgan jamoa darvozasiga "Real" ayovsiz gollarni urishni boshladi va shavqat qilib o'tirmadi. Garet Beyl to'rtta gol urib, poker qayd etdi. Karim Benzema bo'lsa, uchta gol va xet-trik. Krishtianu Ronaldu "katargina" ikkita gol va dubl muallifi bo'ldi. O'yin to'liqligicha "Real" ustunligi ostida o'tdi va "Qirollik klub" uch ochkoga ega bo'ldi.
Ispaniya chempionati, 16-tur
Real Madrid – Rayo Valekano 10:2 (4:2, 6:0)
Gollar: 1:0 – 3 Danilo, 1:1 – 10 Amayya, 1:2 – 12 Xosabed, 2:2 – 25 Beyl, 3:2 – 30, penalti Ronaldu, 4:2 – 41 Beyl, 5:2 – 48 Benzema, 6:2 – 53 Ronaldu, 7:2 – 61 Beyl, 8:2 – 70 Beyl, 9:2 – 79 Benzema, 10:2 – 90 Benzema.
Real Madrid – Navas, Pepe, Marselo (Vaskes, 62), Danilo, Ramos, Modrich, Kroos, Xames (Kovachich, 65), Beyl (Arbeloa, 74), Ronaldu, Benzema.
Rayo Valekano – Yoel, Ze Kashtru (Caballero, 80), Martines, Tito, Amayya, Baena, Trasorras, Xosabed, Ernandes (Marin, 21), Bangura (Bebe, 63), Gerra.
Ogohlantirishlar: Trasorras (15), Baena (19), Martines (27), Danilo (72).
Chetlatish: Tito (14), Baena (28).
— deya xabar beradi uff.uz nashri.