"Chelsi" klubi sobiq bosh murabbiyi Joze Mourino "MYu" bilan muzokara o'tkazishdan bosh tortdi. Lui van Gal mankunianliklar boshqaruvida bo'lib turarkan, portugaliyalik murabbiy klub bilan muzokara o'tkazishni istamayapti.
Xabar qilinishicha, Mourino van Galga bo'lgan hurmati yuzasidan bunday yo'l tutishni o'ziga ep ko'rmayapti. Garchi "MYu" murabbiy bilan aloqaga chiqqan bo'lsada, Mourino biror narsani muhokama qilishdan bosh tortgan. Ayni vaqtda murabbiyga boshqa klublardan ham qiziqish bo'lmoqda.
Eslatib o'tamiz, Mourino o'tgan hafta "Chelsi"dan iste'foga chiqarilgan edi. Lui van Gal esa kelgusi ikki o'yinning birortasida mag'lubiyatga uchrasa, "MYu"dan ketadi.
— deya xabar beradi uff.uz nashri.