Madridning "Real" klubi himoyachisi Pepe "Xetafe" futbolchisi Xaver Kaskero bilan 2009 yilda bo'lib o'tgan ko'ngilsizlikni esladi. Eslatib o'tamiz, o'shanda Kaskero yiqilgan va Pepe avvaliga uni tepib, so'ngra tizzasi bilan bosib tushgan edi.
O'shanda Pepe 10 ta uchrashuvga diskvalifikatsiya qilingandi.
"Xetafe" bilan bo'lgan o'yindagi o'sha ko'ngilsizlik butun faoliyatimga ta'sir o'tkazdi. Men kechirim so'radim, o'z xatoimni tushundim va o'zimni o'zgartirdim. Shundan buyon ko'p narsalar o'rgandim. Endi ancha xotirjam o'ynamoqdaman, chunki oqibatini o'ylayman.
Hozir futboldan ko'proq lazzat olmoqdaman. Yaxshi o'ynayapman va statistika ham buni tasdiqlaydi (Pepe oxirgi besh yilda faqat bitta qizil kartochka oldi - tahririyat izohi). Men har daqiqada yaxshiroq o'ynash va himoyalanishga intilaman", - deydi Pepe.
— deya xabar beradi uff.uz nashri.