2016 yilgi mavsumda mamlakatimiz dzyudo ustalari XXXI yozgi Olimpiada o'yinlarining yo'llanmasi uchun reyting ochkolar o'ynaladigan ko'plab xalqaro musobaqalarda ishtirok etadilar.
Ma'lumki, erkaklar o'rtasida har bir vazn toifasida kuchli 22 nafar polvon, xotin-qizlar orasida esa reytingda 1-14 o'rinlarni band etgan sportchilar “Rio-2016” o'yinlariga yo'llanma oladilar.
2015 yilgi mavsum yakunlariga ko'ra erkaklar terma jamoamiz a'zolari Olimpiada reyting jadvalida quyidagi o'rinlarni egallab turibdilar:
60 kg. Sharofiddin Lutfullaev – 6-o'rin, Diyorbek O'rozboev – 14-o'rin
66 kg. Rishod Sobirov – 6-o'rin
73 kg. Mirali Sharipov – 28-o'rin
81 kg. Shahzod Sobirov – 16-o'rin, Yahyo Imomov – 20-o'rin
90 kg. Sherali Jo'raev – 28-o'rin
100 kg. Ramziddin Saidov – 31-o'rin
+100 kg. Abdullo Tangriev – 27-o'rin
O'zbekiston dzyudo federatsiyasidan olingan ma'lumotga ko'ra, Ramziddin Saidov bugungi kunda qit'aviy kvotaga ega bo'lishda zaxirada birinchi bo'lib turibdi. Agarda Ramziddin Saidov o'z vaznida kuchli 22talikdan joy olib, to'g'ridan-to'g'ri Olimpiada o'yinlari yo'llanmasiga ega bo'lsa, u holda ushbu kvota ayollar terma jamoamiz a'zolaridan biriga berish imkoniyati paydo bo'ladi.
Ma'lumot uchun. Mamlakatimiz dzyudo ustalari joriy yilda ham reyting ochkolari o'ynaladigan turnirlarning barchasida qatnashishni maqsad qilishgan. 2016 yildagi dastlabki musobaqa 22 yanvar kuni Kubada boshlanadigan Gran-Pri turniri hisoblanadi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.