Madridning "Real" klubi sardori Serxio Ramos Ispaniya chempionati 19 turida "Deportivo"ga qarshi kechgan bahsda jarohat oldi.
Yigirma to'qqiz yoshli futbolchi ikrasimon mushaklarida og'riq his qilgan va uning o'rniga Rafael Varan 46 daqiqada maydonga tushirilgan. Yaqin vaqtlar ichida Ramos tibbiy ko'rikdan o'tadi va jarohati qay darajada og'irligi aniqlanadi.
Eslatib o'tamiz, Serxio Ramos joriy mavsumda Ispaniya chempionatida 14 uchrashuvda maydonga tushgan va 1 ta gol urib, 2 ta golli uzatmaga mualliflik qilgan.
— deya xabar beradi uff.uz nashri.