"Manchester Yunayted" klubi sobiq bosh murabbiyi Aleks Fergyuson "Chelsi" ustozi Joze Mourinoni qo'llashini bildirdi.
"Menimcha Joze faoliyati davomida ilk marta bunday og'ir vaziyatga tushib qoldi. Uning jamoasi turnir jadvalining so'nggi qismida bormoqda. Bunga aql bovar qilmaydi. Ammo etuk murabbiylar og'ir vaziyatdan chiqish yo'lini topa oladilar.
Menimcha Joze "Sautgempton"ga qarshi kechgan uchrashuvdan so'ng o'tkazilgan matbuot anjumanidagi gaplari orqali klub rahbariyatidan og'ir vaqtda qo'llashni so'radi. Ba'zan murabbiyni kerakli odamlar qo'llamayotgandek tuyuladi. Ammo har doim ham bunday bo'lavermaydi va Joze bir narsada haq - uni qo'llovchi insonlar bor.
U og'ir vaziyatdan chiqib ketish yo'lini topa oladi. Buning uchun bir necha hafta kerak bo'ladi va shu bilan birga u Tibo Kurtua kabi buyuk darvozabonni yo'qotganini ham inobatga olish lozim", - deydi Fergyuson.
— deya xabar beradi uff.uz nashri.