Xabaringiz bor, bugun Shveytsariyaning Tsyurix shahrida “FIFA Oltin to'pi - 2015” sovrinini topshirish va yilning eng yaxshilarini aniqlash marosimi bo'lib o'tadi. Avval ma'lum qilganimizdek, «UzReport TV» telekanali ushbu marosimni to'g'ridan-to'g'ri efirda namoyish etadi. Translyatsiya Toshkent vaqti bilan soat 21:00da boshlanadi. Undan avval esa, «UzReport TV» telekanali tomonidan tayyorlangan “FIFA Oltin to'pi” mavzusidagi maxsus teleko'rsatuv efirga uzatiladi. Ko'rsatuvda yurtimizda faoliyat olib borayotgan bir qator sport jurnalistlari ishtirok etishadi. Ko'rsatuv soat 20:30da namoyish etiladi.
— deya xabar beradi uff.uz nashri.