Bugun Angliya Premer-ligasining 21-turiga start beriladi. Turning dastlabki o'yini "Nyukasl" va "Manchester Yunayted" jamoalari ishtirokida bo'lib o'tadi. Ayni paytda Lui van Gal shogirdlari 33 ochko jamg'argan holda musobaqa jadvalining 5-pog'onasida borishmoqda. "Nyukasl" esa 17 ochko bilan 18-o'rinni egallab turibdi. "Manchester Yunayted" klubi mazkur o'yinda g'alaba qozonib, jadvalda yuqorilashga intilishi tabiiy. "Nyukasl" ham o'z maydonida osonlikcha ochko tarqatadigan jamoalar sirasiga kirmaydi. Mazkur o'yinni "UzReport TV" telekanali soat 00:45dan boshlab to'g'ridan-to'g'ri efirda namoyish etadi. Uchrashuvni Dmitriy Mostovoy va Otabek Djuraev sharhlab borishadi.
— deya xabar beradi uff.uz nashri.