Xabaringiz bor, kecha Qatar poytaxti Doha shahrida 23 yoshgacha bo'lgan futbolchilar o'rtasida Osiyo chempionati boshlandi. Bugun Samvel Babayan boshchiligidagi O'zbekiston olimpiya terma jamoasi ushbu musobaqadagi o'z ishtirokini boshlaydi. Vakillarimiz Janubiy Koreya termasiga qarshi maydonga tushishadi. Biz ko'k libosda, koreyaliklar esa qizil libosda harakat qilishadi. Uchrashuvni saudiyalik hakamlar guruhi boshqarib boradi. Janubiy Koreya - O'zbekiston olimpiya terma jamoalari o'rtasidagi o'yin Toshkent vaqti bilan soat 21:30da boshlanadi.
Eslatib o'tamiz, guruhimizda Janubiy Koreyadan tashqari Iroq va Yaman terma jamoalari bor. Mazkur Osiyo chempionatida finalga qadar etib borgan hamda 3-o'rin uchun kurashda g'alaba qozongan 3ta terma jamoa Rio-2016 yo'llanmasiga ega bo'ladi. Futbolchilarimizga omad yor bo'lishini hamda yurtimizga yorug' yuz va Olimpiada yo'llanmasi bilan qaytib kelishlarini tilab qolamiz!
— deya xabar beradi uff.uz nashri.