Qatar davom etayotgan 23 yoshgacha bo'lgan futbolchilar o'rtasidagi Osiyo chempionatining "S" guruhidan o'rin olgan ilk o'yin o'z nihoyasiga etdi. Unda Iroq va Yaman olimpiya terma jamoalari o'zaro kuch sinashishdi. Uchrashuvda Iroq terma jamoasi 2:0 hisobida g'alaba qozondi. Dastlab, Fayoz 36-daqiqada hisobni ochgan bo'lsa, 39-daqiqada Husniy hisobni 2:0 ko'rinishiga olib kelib qo'ydi. Shu tariqa Iroq dastlabki g'alabaga erishib, guruhda vaqtinchalik peshqadamga aylanib oldi. Eslatib o'tamiz, Toshkent vaqti bilan soat 21:30da O'zbekiston olimpiya terma jamoasi Janubiy Koreya termasiga qarshi maydonga tushadi. AFC U-23. "S" guruhi
Iroq U-23 - Yaman U-23 2:0
Gollar: Fayoz (36), Husniy (39) 
— deya xabar beradi uff.uz nashri.