Shveytsariyaning Tsyurix shahrida FIFA yil yakunlariga bag'ishlangan tantanali marosim bo'lib o'tdi. Mazkur tabdirda bir qator nominatsiyalar bo'yicha yilning eng yaxshilari aniqlandi. Jumladan, yilning eng yaxshi murabbiyi va futbolchisi nominatsiyasida ham yilning eng kuchlilari e'lon qilindi. Milliy terma jamoalar bosh murabbiylari va sardorlari ovozlariga ko'ra, Argentina terma jamoasi hamda "Barselona" klubi hujumchisi Lionel Messi yilning eng yaxshi futbolchisi deb topilgan bo'lsa, murabbiylar orasida "Barselona" klubi bosh murabbiyi Luis Enrike yilning eng yaxshi murabbiyi deb e'tirof etildi. Yilning eng yaxshilariga ovoz berishda O'zbekiston milliy terma jamoasi bosh murabbiyi hamda sardori ham ishtirok etishdi. O'zbekiston vakillari ovozlari: Yilning eng yaxshi futbolchisi: Samvel Babayan – 1. Lionel Messi. 2. Krishtianu Ronaldu. 3. Neymar. Odil Ahmedov – 1. Lionel Messi. 2. Krishtianu Ronaldu. 3. Neymar. Grigoriy Rtveladze (O'zPFL matbuot xizmati) – 1. Krishtianu Ronaldu. 2. Luis Suares. 3. Tomas Myuller. Yilning eng yaxshi murabbiyi: Samvel Babayan – 1. Luis Enrike. 2. Xosep Gvardiola. 3. Massimiliano Allegri. Odil Ahmedov – 1. Luis Enrike. 2. Xosep Gvardiola. 3. Arsen Venger. Grigoriy Rtveladze (O'zPFL matbuot xizmati)– 1. Luis Enrike. 2. Massimiliano Allegri. 3. Xosep Gvardiola Yilning eng yaxshi futbolchisi va murabbiyini aniqlash uchun o'tkazilgan so'rov natijalari bilan FIFA rasmiy saytida tanishish mumkin.
— deya xabar beradi uff.uz nashri.