OFK vitse-prezidenti Saod al-Muhammadi O'zbekiston olimpi terma jamoasi yarim himoyachisi Dostonbek Hamdamovga yuqori baho berdi. Mutasaddi O'zbekiston va Janubiy Koreya olimpiya terma jamoalari o'rtasida kechgan uchrashuvdan so'ng yarim himoyachi haqida iliq fikr bildirdi.
"Jahon maydonlarida o'zini ko'rsata oladigan yosh iqtidorlar bilan Osiyo futboli ko'tariladi, porlaydi.
Dostonbek Hamdamov 2015 yil davomida yuqori saviyasini namoyish etib keldi. Ishonamanki uning yoshi ulg'ayib borgani sari nafaqat Osiyo, balki jahon miqyosida uning iqtidoriga yanada ko'proq guvoh bo'lib boramiz", - dedi OFK vitse prezidenti.
Eslatib o'tamiz, garchi O'zbekiston olimpiya terma jamoasi ushbu o'yinda 1:2 hisobida mag'lubiyatga uchragan bo'lsada, Dostonbek Hamdamov jamoasining yagona golini kiritgan edi. Zafar QOSIMOV, Doha
Uff.uz uchun maxsus
— deya xabar beradi uff.uz nashri.