O'zbekistonlik FIFA referisi Ilgiz Tantashev U-23 yoshlar o'rtasidagi Osiyo chempionati 3-turi doirasidagi Eron hamda Xitoy olimpiya terma jamoalari o'rtasidagi uchrashuvini boshqarib boradi.
Bugun Qatar poytaxti Doxa shahrida davom etayotgan U-23 yoshlar o'rtasidagi Osiyo chempionati "A" guruhida 3-tur uchrashuvlariga start beriladi. Dastlabki ikki turda g'alabaga erishgan musobaqa mezboni – Qatar U-23 yoshlar terma jamoasi Suriyaga qarshi maydonga tushsa, Eron parallel uchrashuvda Xitoy bilan o'ynaydi. Mazkur uchrashuvni boshqarib borish uchun esa o'zbekistonlik FIFA referisi Ilgiz Tantashev boshchiligidagi hakamlar brigadasi tasdiqlandi. Mazkur uchrashuvda Tantashevga qanotda o'zbekistonlik FIFA laynsmeni Jahongir Saidov yordam beradi.
Ta'kidlash joiz, Tantashev bungacha, "B" guruhi 2-turidan o'rin olgan Tailand hamda Yaponiya o'rtasidagi uchrashuvni boshqargan edi.
Eslatib o'tamiz, Qatar poytaxti Doxa shahrida davom etayotgan U-23 yoshlar o'rtasidagi Osiyo chempionatida O'zbekistondan yana bir vakil – Farhod Abdullaev nazoratchi hakam sifatida ishlamoqda.
— deya xabar beradi uff.uz nashri.