“Volfsburg” klubi sport direktor Klaus Allofs himoyachi Rikardo Rodriges qishda Madridning “Real“ jamoasiga o'tmasligini oshkor qildi. “Bu haqida unutsa ham bo'ladi. Biz uni qo'yib yubormaymiz”, – dedi Allofs. Eslatib o'tamiz, FIFA “Real”ga 2016 yilning yozidan boshlab ikki transfelar mavsumi davomida o'yinchilarni ro'yxatdan o'tkazishni ta'qiqlab qo'ydi. Madrid klubi jazoni chetlab o'tish maqsadida Shveytsariya terma jamoasi a'zosini yanvarda sotib olib, uni “Volfsburg”ga yarim yilga ijaraga bermoqchi edi. Aytish joizki, yozda Rikardo Rodriges uchun tovon qiymati 30 dan 38 million evrogacha oshadi.
— deya xabar beradi uff.uz nashri.