Bilasiz, 2016 yilda Frantsiyada bo'lib o'tadigan Evropa chempionatiga saralash bahslari 9-tur uchrashuvlari yakuniga etdi. Mazkur turdan so'ng bir nechta terma jamoalar Evro-2016ga yo'llanmani naqd qilib qo'yishdi. Qo'yida ana shu terma jamoalar bilan tanishib chiqishingiz mumkin.
Frantsiya terma jamoasi
Mezbon sifatida harakat qiladigan frantsuzlar to'g'ridan-to'g'ri Evro-2016ga yo'llanmani qo'lga kiritishgan. Shu sababli, ko'pchilik nufuzli turnirda ishtirok etish uchun kurash olib borayotgan bir vaqtda frantsiyaliklar xotirjamlik bilan o'rtoqlik uchrashuvlarini o'tkazishmoqda.
Angliya terma jamoasi
Roy Xojson boshchiligidagi “uch sherlar” saralash bahslarining 7-turidayoq Evropa chempionatidagi ishtirokini hal qilib qo'ygandi. E'tiborli jihati shundaki, inglizlar birorta uchrashuvda ham mag'lubiyatga uchramadilar va 9 turdan so'ng 27 ochko bilan 100% lik natijani qayd etib turishibdi.
Islandiya terma jamoasi
Saralash bahslarining kashfiyotlaridan biri Islandiya terma jamoasi bo'ldi. Gollandiya, Chexiya kabi nomdor termalar bilan bir guruhda to'p surgan islandiyaliklar 9-turdan so'ng 20 ochko jamg'arib, birinchi o'rinni egallab turishibbdi. Asosiysi esa, ular Evro-2016 yo'llanmasini qo'lga kiritib bo'lishdi.
Davomi Zohid Akramov blogida.
— deya xabar beradi uff.uz nashri.