Bugun “Qo'qon-1912” jamoasining Toshkentda tashkil etilgan ikkinchi yig'ini yakuniga etadi. 4 yanvar kunidan boshlangan yig'in chog'ida Qo'qon vakillari uchta nazorat uchrashuvida maydonga tushishdi. Ularning bittasida g'alaba qozonilgan bo'lsa, ikkita bahsda imkoniyat boy berildi. Lekin hozir asosiysi natija emas. Murabbiylar shtabi bosqichma-bosqich futbolchilarning jismoniy va funktsional holatini yaxshilash borasida keng kulamli ishni bajarishmoqda. Shuningdek, selektsiya ishlariga ham jiddiy e'tibor qatarilgan. Kecha ikkinchi yig'indagi so'nggi mashg'ulotini o'tkazgan futbolchilarimiz bugun “So'g'diyona”ga qarshi nazorat uchrashuvida maydonga tushishadi. Mazkur uchrashuv soat 11:00 da Sergilidagi stadionda bo'lib o'tishi rejalashtirilgan. O'yindan keyin “Qo'qon-1912” jamoasi vakillari Qo'qonga qaytib kelishadi.
— deya xabar beradi uff.uz nashri.