"Barselona" himoyachisi Xerard Pike jamoadoshi Xaver Maskeranoni afsonaga qiyosladi. Eslatib o'tamiz, Maskerano "Espanol"ga qarshi kechgan bahsda (0:0) o'ziga hos rekord o'rnatgan edi. U kataloniyaliklar safida 255 ta o'yin o'tkazgan va birorta ham gol ura olmagan. Bu borada ilgarigi natija 1997 yildan 2004 yilga qadar "Barselona"da o'ynagan Mikael Raytsigerga tegishli edi. Raytsiger 254 ta o'yinda gol ura olmagan.
"Maskerano qachondir "Barselona"da gol uradimi? Bu ishni uddalashiga ishonaman. Xaver - afsona", - deya ijtimoiy tarmoqdagi sahifasida yozadi Pike.
Maskerano o'z navbatida javob qaytargan: "Xerard, rahmat. Ammo "afsona" so'zida oshirib yuboribsan".
Pike esa bunga javoban: "Raytsigerning "Barselona"dagi rekordini yangilabsanmi, demak sen men uchun afsonasan", - deya jamoadoshiga aytgan so'zlarini asoslagan.
— deya xabar beradi uff.uz nashri.