“Toronto” klubi hujumchisi Sebastyan Jovinko yangi mavsum oldidan o'z oldiga maqsad qo'ydi. 28 yoshli futbolchi joriy yilda Frantsiyada bo'lib o'tadigan Evro-2016 futbol musobaqasida Italiya terma jamoasi safida ishtirok etmoqchi.
- Menda g'alabaga bo'lgan ishtiyoq bor va men buni o'zgartirmoqchi emasman. Mening maqsadim – yaxshi o'yin olib borib, ko'plab g'alabalarga erishishdir. Kelasi mavsumda ham “eng foydali o'yinchi” nomiga loyiq bo'lmoqchiman. Evro-2016 musobaqasida qatnashish ham mening maqsadlarimdan biri, - deydi Jovinko.
Eslatib o'tamiz, o'tgan mavsumda Sebastyan Jovinko MLSda “eng yaxshi yangi o'yinchisi” va “eng foydali o'yinchisi” deb topilgandi.
— deya xabar beradi uff.uz nashri.