Madridning "Atletiko" klubi hujumchisi Fernando Torresning agenti Xose Antonio Martin mijozining kelajagi haqida gapirib o'tdi.
"Fernando va Simeone muzokara o'tkazib, kelajak haqida gaplashib olishlari lozim. "Atletiko" muxlislari Torres jamoada qolishini istamoqdalar.
Torresda shunday taklif borki, u dunyoning eng ko'p maosh oladigan futbolchisiga aylanishi mumkin. Ammo bu o'rinda hammasi "Atletiko"ga bog'liq.
Menimcha hammasi Fernando va Diegoning o'rtasidagi muloqotga bog'liq. Axir ular do'stlarku. Simeone hujumchiga ishonishini aytishi lozim. Yoki ishonmasligini.
Muxlislar esa Torres qolishini istamoqdalar", - deydi agent.
Eslatib o'tamiz, Torres "Atletiko"da ijara asosida to'p surmoqda. U "Milan"ga tegishli bo'lib, hujumchining shartnomasi yozda yakuniga etadi. Shundan so'ng Torres erkin agentga aylanishi mumkin.
— deya xabar beradi uff.uz nashri.