Germaniya terma jamoasi bosh murabbiyi Yoaxim Lyov Evro-2016 saralashidan o'rin olgan Gruziyaga qarshi uchrashuvdan keyin o'z fikrlari bilan o'rtoqlashdi. “Birinchi bo'limda gol kiritish uchun 3-4ta qulay imkoniyatga ega bo'lgandik. Ammo ulardan unumli foydalana olmadik. Hujumlarni yakunlashda yaxshi harakat qila olmayapmiz. Ushbu saralash bosqichidagi ikkita o'yinimizdan qoniqish hosil qilmadim. Biz o'z darajamizdan ancha past harakat qildik.
Umuman olganda esa, Evro-2016 musobaqasiga yo'l olganimizdan xursandman. Hozirgi Germaniya ko'p zarba yo'llab, raqibini nokautga uchrata olmayotgan bokschiga o'xshaydi”, - deydi Lyov.
— deya xabar beradi uff.uz nashri.